Շուշան անցկացվում է թուրքական գործարար համաժողով

Այսօր Շուշայում անցկացվում է թուրքական գործարար համաժողով՝ նվիրված Ադրբեջանի ազատագրված տարածքների վերականգնմանն ու զարգացմանը։

Ինչպես հայտնում է Сaliber.Az-ը, ֆորումն անցկացվում է՝ Թուրքական պետությունների կազմակերպության (OTG), Թուրքական առևտրի և արդյունաբերության պալատի, Ադրբեջանի տնտեսության նախարարության, Փոքր և միջին բիզնեսի զարգացման գործակալության (KOBİA) և Ձեռնարկատերերի ազգային համադաշնության (գործատուների) կազմակերպությունների աջակցությամբ:

Ադրբեջանի հետ մեկտեղ միջոցառմանը մասնակցում են՝ պետական կառույցների, ինչպես նաև տարբեր կազմակերպությունների և դիվանագիտական կորպուսի ներկայացուցիչներ, Թուրքական պետությունների կազմակերպության չորս մշտական անդամների (Թուրքիա, Ղազախստան, Ղրղզստան, Ուզբեկստան) և դիտորդ երկիր Հունգարիայի գործարարներ։ Համաժողովի նպատակն է՝ էլ ավելի խորացնել թուրքական պետությունների միջև տնտեսական, գործարար և ներդրումային կապերը, խթանել ձեռներեցների միջև երկխոսությունը և օտարերկրյա գործարարներին ներկայացնել Ղարաբաղի տարածաշրջանի տնտեսական և ներդրումային ներուժը:

Համաժողովում նախատեսված են պաշտոնատար անձանց ելույթներ, երկկողմ հանդիպումներ, հատուկ նիստ՝ «Ներդրումային հնարավորությունները Ղարաբաղի և Արևելյան Զանգեզուրի տնտեսական շրջաններում» թեմայով։