Վառել ու խեղդել. Սիմոնյանի կամակատարի սովորական ֆաշիզմը
Լեզուն քարոզչին հասցրեց աշխատանքից ազատվելուն

Վերլուծություն  25 0Հոկտեմբերի 2022 - 14:53

Ռուսաստանում սիմոնյանական ԶԼՄ-ների շովինիստական պոպուլիզմի գրգռվածությունը չափից դուրս է և վախեցնող է։ Հստակ կրում է դաշնակցական արյունոտ հոտը։ Հասկանալի է, որ պատերազմը պատերազմ է, բայց թշնամու՝ խաղաղ բնակչության, առավել ևս երեխաների նկատմամբ մարդկայնությունը մարդկության կողմից ընդունված համընդհանուր կանոն է։ Բայց RT-ի ռուսաստանցի հեռուստալրագրող Անտոն Կրասովսկին ուղիղ եթերում մի այնպիսի բան է ասել, որը այլ կերպ, քան «սովորական ֆաշիզմի» նշան չես անվանի։

Ինչպես եթերից հետո բացատրել է Կրասովսկին՝ «բերանից է թռել»։ Եվ հանրությունից ներողություն է խնդրել։ Սակայն ծրագրի հաղորդավարի արտահայտությունները վրդովմունքի ալիք առաջացրին նույնիսկ բուն Ռուսաստանում, որտեղ պետական քարոզչությամբ վերամշակված բազմաթիվ քաղաքացիներ ամենևին էլ լավ զգացմունքներ չեն տածում ուկրաինացիների նկատմամբ։

Միջադեպը տեղի է ունեցել օրերս RT հեռուստաալիքի ուղիղ եթերում, երբ ռուս գրող Սերգեյ Լուկյանենկոն պատմել է, թե ինչպես է 1980 թվականին հայտնվել Անդրկարպատներում։ Այնտեղ նա իբր հանդիպել է ուկրաինացի երեխաների, ովքեր համոզված են եղել, որ «մոսկալները օկուպացրել են Ուկրաինան»։

«Նրանք լրիվ ռուսախոս և ռուսական ազգանուններով տղաներ էին։ Ինչ որ մեկի հայրը զինվորական էր, ինչ որ մեկինը՝ ուրիշ։ Նրանք բացարձակապես ռուսներ էին»,- պնդել է Լուկյանենկոն։ Իսկ լսածից կատաղած հեռուստահաղորդավար Կրասովսկին բառացիորեն բղավել է. «Իսկ այդպիսիներին ուղղակիորեն պետք էր խեղդել։ Վերցնել ուղղակի խեղդել այդ երեխաներին: Ասում է, որ մոսկալները օկուպացրել են՝ անմիջապես նետում ես բուռն հոսանքով գետը: Լցնել Սմերեկովի հյուղակը (եղևնուց խրճիթ) և վառել»:

Ելնելով լրագրողի կողմից առաջարկածից՝ կարելի է ամենաքիչը մեկ եզրակացություն անել. Սիմոնյանի ղեկավարած լրատվամիջոցներում նացիզմը, ուկրաինացիների նկատմամբ նրա ամենաանմարդկային դրսևորումները՝ հիմնարար գաղափարախոսություն է։ Իսկ երեխաներին խեղդելու կոչը՝ այն է, որը լիովին համապատասխանում է ալիքի կոլեկտիվի ձգտումներին և բոլորովին էլ լրագրողի լեզվից պատահաբար դուրս եկած բառեր չեն։ Ինչպես գիտեք, այն, ինչ մտքում է, լեզվի վրա է:

Այդ մարդատյաց կոչը ակնթարթային արձագանք է առաջացրել Ռուսաստանում մամուլի անձանց կողմից։ Հեռուստահաղորդավարուհի Քսենիա Սոբչակն առաջիններից է, ով վրդովված դատապարտել է լկտի հեռուստաֆաշիստին։ «Անտոն, այս ամենը ինչպե՞ս պատահեց քեզ հետ: Ինչպե՞ս դու՝ խելացի և տաղանդավորդ, վերածվեցիր այնպիսիին, ով տենչում է հաշվեհարդար։ Ինչպե՞ս դու, ուղղափառ մարդդ, կարող ես նման կոչ անել: Ինչպե՞ս ես նայելու քո ծնողների աչքերին: Քո սանիկի՞ Անտոն, չէ որ դու մարդ ես։ Եվ այս ամենի համար շատ ես ամաչելու», - նա դիմել է Կրասովսկուն:

Այո, և ինքը՝ Լուկյանենկոն է դատապարտել այս սարսափելի, ըստ էության, հարձակումը, թեև փորձել է արդարացնել հաղորդման մեջ իր դիմացինին՝ ենթադրելով, որ Կրասովսկու արտահայտությունը ոչ այլ ինչ է, քան «լրագրողական հնարք»։ Սակայն ռուսական լրատվամիջոցների ներկայացուցիչների հետ զրույցում գրողը հայտարարել է, որ նման արտահայտությունները համարում է անընդունելի և թող դրանք մնան հեռուստահաղորդավարի խղճին։ «Ես այդ հաշվով անմիջապես ասել եմ իմ կարծիքը։ Անտոնը արտահայտվեց, իհարկե, շատ սադրիչ»,- շտապել է պարզաբանել նա։

Մինչդեռ միջադեպն ավելի է բարդանում նրանով, որ Կրասովսկին պարզապես հեռուստալրագրող չէ, այլև ալիքի հեռարձակման տնօրեն` էկրանից արտաբերվող յուրաքանչյուր բառի համար պատասխանատուն։ Իսկ եթե RT-ի ղեկավարությունը իրեն թույլ են տալիս նման բանով բարձրաձայնվել եթերում, ապա շարքային աշխատակիցների բարոյականության ու էթիկայի մասին ընդհանրապես ավելորդ է խոսել։ Հասկանալի է, թե ինչու են սիմոնյանական սրամիտները այդքան հաճախ շպրտվում այս ալիքից։

Մինչդեռ Կրասովսկին տափակորեն վնասել է իր ղեկավարությունը՝ արտահայտվելով չափազանց ուղղագծորեն: Սա անմիջապես գլխի է ընկել ալիքի ղեկավար և գաղափարախոս Մարգարիտա Սիմոնյանը և փորձել է իրեն հեռու պահել անզգուշաբար արտահայտված հեռուստահաղորդավարից՝ ոչ բոլորին է հաջողվում իրենց համոզմունքները հանգցնել երեսապաշտ-շրջահոսելի ձևի մեջ: Իսկ սա հատկապես համոզմունք է, քանի որ Կրասովսկին նախկինում ևս հանրությանը ապշեցրել է համամարդկային բոլոր նորմերին հակասող շովինիստական-ֆաշիստական հայտարարություններով։

Բայց այս դեպքում Սիմոնյանին ենթակա ալիքի լրագրողը հաջողեցրել է առավելագույնս բացահայտել ինչպես լրատվամիջոցի, այնպես էլ իր վերադասի իրական դեմքը։ Ըստ էության նա վիրավորել է ինչպես ուկրաինացիներին, այնպես էլ ռուսներին՝ հայտարարելով առաջինների ազգային թերարժեքության և մյուսների գազանային դաժանության մասին։

Տարբեր բանսարկությունների վրա վարժված Սիմոնյանը, իհարկե, զգացել է, որ տապակածի հոտ է գալիս և շտապ պետք է փոխել կոշիկները։ «Անտոն Կրասովսկու հայտարարությունը վայրի և զզվելի է։ Հնարավոր է, որ Անտոնը կբացատրի, թե ինչ ժամանակավոր խելագարությամբ է այն առաջացել և ինչպես է այն պոկվել իր լեզվից։ Դժվար է հավատալ, որպեսզի Կրասովսկին անկեղծորեն համարում էր, որ երեխաներին պետք է խեղդել»,- գրել է RT-ի գլխավոր խմբագիրը սոցիալական ցանցերում։

Բայց Սիմոնյանը որոշել է խզել համագործակցությունը Կրասովսկու հետ, դա բացատրելով նրանով, որ ո՛չ ինքը, ո՛չ «RT-ի մնացած կոլեկտիվը» չեն կարող թույլ տալ, «որպեսզի նույնիսկ մտքում ծագի գաղափար այն մասին, որ մեզանից որևէ մեկը ընդունակ է կիսել նման բարբաջանքը»։

Փորձել է բացատրվել նաև ինքը՝Կրասովսկին, բայց դա արել է հիմար և անհամոզիչ՝ հայտարարելով, որ «իրեն անհարմար է զգում նրա համար, որ չի տեսել երեխաների մասին այդ սահմանը»։

«Դե պատահում է՝ նստում ես եթերում, քեզ քշում է։ Եվ դու չես կարող կանգ առնել: Ես ներողություն եմ խնդրում բոլորից, ովքեր շշմել են դրանից», - ձևական գրությամբ օձիքն ազատել է հաղորդավարը։

Սակայն նման խոստովանությամբ Կրասովսկին միայն հաստատել է, որ ինքը և սիմոնյանական խմբագրության ներքո աշխատող իր նմանները չգիտեն ինչպես իրենց զսպել և արտահայտում են այն, ինչ իրենց գլուխներն են մտցրել ղեկավարները։ Ոչ այստեղ էր, ոչ հիմա է Կրասովսկու հիմարություն դուրս տվել, և Սիմոնյանը քաջատեղյակ էր նրա մյուս օդիոզ հրապարակային հայտարարություններին ու չարաճճիություններին։ Այսպիսով, դեռ պատերազմի սկսվելուց առաջ՝ հունվարին, Կրասովսկին արդեն կոչ էր արել Կրեշատիկ փողոցի վրա ուկրաինացիների հետ միասին այրել Ուկրաինայի Սահմանադրությունը, իսկ հոկտեմբերի սկզբին Կիևի կենտրոնի հրթիռային հարվածի օրը նա պատշգամբում պարել է ռուսական բանակի գիշերազգեստով, բացականչելով, որ «երջանիկ է»։

Սկզբունքորեն իր ալիքում ֆաշիզմ ու ազգայնականություն հրահրելով՝ Սիմոնյանը դեմ է առել իր իսկ փոցխին։ Որովհետև, մեծ հաշվով, նա ի դեմս իր աշխատակիցների վնասել է ամբողջ ռուսական քարոզչական մեդիա մեքենան։ Ավելին, ալիքը դեռևս դեպի եվրոպական հեռուստալսարան մուտք ուներ, ինչն այժմ դժվար թե հնարավոր լինի։ «Կրասնայա Վեսնա» լրատվական գործակալության աշխատակիցները (որը պատկանում է ևս մեկ այլ ռուսաստանցի հայ քարոզիչ Կուրգինյանին), օրինակ, իրավացիորեն համարում են, որ RT-ի տնօրեն Անտոն Կրասովսկին հանդես է եկել որպես սադրիչ, ում գործողությունները կարող են խաթարել Ռուսաստանի՝ իր տեսակետները արևմտյան լսարանին հեռարձակելու հնարավորությունը, որոնք այժմ կհնչեն բոլորովին այլ լույսի ներքո։

Այնպես որ, միանգամայն հնարավոր է, որ Կրասովսկին պատիժ կստանա նաև Ռուսաստանի իշխանություններից։ Ակնհայտ է սպանության դրդման փաստը, որը պատժվում է ցանկացած քաղաքակիրթ պետության օրենքներով։ Կրասովսկուն խույս չի տա։

Եվ այստեղ նաև Ռուսաստանի քննչական կոմիտեի ղեկավար Ալեքսանդր Բաստրիկինի հաղորդագրությունը այն մասին, որ նա արդեն հանձնարարել է ստուգել Անտոն Կրասովսկու արտահայտությունները։ Ինչպես հայտնում է Ռուսաստանի քննչական կոմիտեն՝ «սոցցանցում օգտատերերից մեկը» պարոն Բաստրիկինին խնդրել է ստուգել RT հեռարձակման տնօրենի «մի շարք կտրուկ հայտարարությունները»։

Կրասովսկու արարքի համար չափազանց լուրջ պարսավանք է սպասվում, ակնհայտ է, նաև Սիմոնյանին՝ միջադեպը միանշանակ վարկաբեկել է նրա վարկանիշը Կրեմլի աչքում։

Caliber.Az

Դիտումներ: 285