Տոկիո-Թել Ավիվ չվերթը հարկադիր վայրէջք է կատարել Բաքվում

Տոկիո-Թել Ավիվ չվերթն իրականացնող EL AL օդանավի կապիտանը՝ արտակարգ վայրէջքի հարցում է հղել Հեյդար Ալիևի անվան միջազգային օդանավակայան։

Ինչպես Caliber.Az-ին հայտնել են AZal-ի մամուլի ծառայությունում, դրա պատճառը եղել է ինքնաթիռում գտնվող ուղևորներից մեկի ինքնազգացողության կտրուկ վատթարացումը։

Boeing 787-9 օդանավը տեղական ժամանակով 21:51-ին բարեհաջող վայրէջք է կատարել Բաքվի օդանավակայանում։

Վայրէջքից անմիջապես հետո, ուղևորը հանձնվել է շտապօգնության բրիգադին, որը նրան տեղափոխել է մայրաքաղաքի կլինիկաներից մեկը։