Կարասին. Մենք կիսում ենք ԵԽԽՎ-ում փոխգործակցության վերաբերյալ Բաքվի մոտեցումները

Ռուսաստանցի խորհրդարանականները պատրաստ են իրենց ադրբեջանցի գործընկերների հետ կիսել՝ Եվրոպայի խորհրդի խորհրդարանական վեհաժողովի (ԵԽԽՎ) հետ փոխգործակցության իրենց փորձը՝ հաշվի առնելով հունվարին վեհաժողովի ընդունած որոշումը՝ չվավերացնելու ադրբեջանական պատվիրակության լիազորությունները։
 
ՏԱՍՍ-ի փոխանցմամբ՝ այս մասին հայտարարել է Դաշնային խորհրդի միջազգային հարաբերությունների կոմիտեի ղեկավար Գրիգորի Կարասինը՝ Ադրբեջանի Միլլի Մեջլիսի միջազգային հարաբերությունների և միջխորհրդարանական կապերի հանձնաժողովի նախագահ Սամեդ Սեիդովի գլխավորած պատվիրակության հետ հանդիպմանը:
 
«Մենք տեսնում ենք, թե որքան բարդ է իրավիճակը տարածաշրջանային քաղաքականության մեջ։ Եվ ոչ միայն տարածաշրջանային: Դա վերաբերում է նաև այնպիսի կառույցներին, ինչպիսիք են Եվրոպայի խորհուրդը և նրա խորհրդարանական բաղադրիչը։ Մենք կիսում ենք Բաքվի մոտեցումները՝ ԵԽԽՎ-ում փոխգործակցության վերաբերյալ և պատրաստ ենք կիսվել փորձով»,- հանդիպման ժամանակ ասել է Գ. Կարասինը։