Ադրբեջանում քննարկել են լրատվամիջոցների դերը կրոնական հարցերի լուսաբանման գործում

«Ժամանակակից տեղեկատվական տարածք և  դավանության ազատություն»  համաժողովի շրջանակներում  Շամախիում՝ «Կրոնի և լրատվամիջոցների միջև հարաբերությունները. նոր նպատակներ և մարտահրավերներ» թեմայով պանելային նիստ է անցկացվել։
 
Ինչպես հաղորդում է Report-ը, որպես նիստի մոդերատոր հանդես է եկել՝ Կրոնական կազմակերպությունների հետ աշխատանքի պետական կոմիտեի փոխնախագահ Գյունդուզ Իսմայիլովը։
 
Քննարկմանը մասնակցել են՝ Report տեղեկատվական գործակալության տնօրեն և Հոգևոր արժեքների քարոզչության հիմնադրամի հոգաբարձուների խորհրդի անդամ Ֆուադ Հուսեյնալիևը, «Ադրբեջանական հեռուստատեսություն և ռադիոհեռարձակում» ՓԲԸ-ի փոխնախագահ Ռաֆիգ Հաշիմովը, Milli.az կայքի գլխավոր խմբագիր Էլչին Ալըօղլուն, ինչպես նաև գրող Շահրիյար Դել Գերանին:
Ֆուադ Հուսեյնալիևը առաջարկել է կրոնական թեմաներ լուսաբանող լրագրողների համար դասընթացներ անցկացնել։
 
«Այս դասընթացներին կարող են մասնակցել տարբեր կրոնական հոսանքների ներկայացուցիչներ։ Բացի այդ, անհրաժեշտ է ավելացնել հեռուստատեսությամբ կրոնական հաղորդումների քանակը։ «Ղուրանի փիլիսոփայական մեկնաբանությանը նվիրված հաղորդումները հատկապես պահանջված են։ «Օրինակ կարող է ծառայել Կոմիտեի նախագիծը՝ Ամին ծրագիրը», - նշել է նա։