Աղդամում կառուցվում է կենտրոնական հիվանդանոց

Աղդամ քաղաքում ընթանում է Աղդամի 210 մահճակալանոց շրջանային կենտրոնական հիվանդանոցի շինարարությունը։

Ինչպես հայտնում է Caliber.Az-ը, հիվանդանոցային համալիրը բաղկացած կլինի հիմնական 4 հարկանի շենքից, ինֆեկցիոն հիվանդությունների և հեմոդիալիզի մասնաշենքերից, հիգիենայի և համաճարակաբանության կենտրոնից, դատաբժշկական փորձաքննության և ախտաբանական անատոմիայի բաժիններից և շտապօգնության կայանից։

Բուժհաստատությունը կունենա ընդունելության, թերապևտիկ, սրտաբանական, վիրաբուժական, վնասվածքաբանական, ակնաբուժական, քիթ-կոկորդ-ականջաբանություն, մանկաբուժության, ծննդատան, գինեկոլոգիայի, ինֆեկցիոն, անեսթեզիոլոգիայի և ինտենսիվ թերապիայի, սրտանոթային վիրաբուժության, հեմոդիալիզի բաժանմունք և վիրահատական բլոկ։

Ամբուլատոր բաժինը բաղկացած կլինի խորհրդատվական և մանկական պոլիկլինիկայից, ճառագայթային, ֆունկցիոնալ ախտորոշման, ֆիզիոթերապիայի և բժշկական վերականգնողական բաժանմունքներից, կլինիկական ախտորոշիչ լաբորատորիայից և դեղատնից։