Իրանի դեսպանը՝ Զանգիլանում. շատ կարևոր է պարզել անհետ կորածների ճակատագիրը

Հակամարտության ընթացքում անհետ կորածների ճակատագրի պարզումը չափազանց կարևոր հարց է։

Այս մասին Զանգիլանում Caliber.Az-ի հետ զրույցում հայտարարել է Ադրբեջանում Իրանի արտակարգ և լիազոր դեսպան Մուջթաբա Դեմիրչիլին:

Դիվանագետը հպարտությամբ ընդգծել է Ադրբեջանի տարածքային ամբողջականության վերականգնումը։

«Ես Բաքվում աշխատում եմ արդեն երեք ամսից ավելի։ Մենք այստեղ ենք ժամանել (Զանգիլան - խմբ.) հակամարտության հետևանքով անհետ կորածներին նվիրված համաժողովի մասնակիցների հետ։ Չափազանց կարևոր է պարզել անհետ կորածների ճակատագիրը։ Նրանց ընտանիքների անդամները պետք է տեղեկատվություն ստանան նրանց ճակատագրի մասին», - նշել է նա։

Դեսպանը նաև շնորհավորել է ադրբեջանական ժողովրդին տարածքային ամբողջականության և ինքնիշխանության լիակատար վերականգնման կապակցությամբ։