Ալիևն ու Փաշինյանը Կազանում քննարկել են խաղաղ գործընթացը

Հոկտեմբերի 24-ին Կազանում BRICS-ի 16-րդ գագաթնաժողովի շրջանակում տեղի է ունեցել` Ադրբեջանի Հանրապետության նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպումը։

Ըստ AZERTAC-ի՝ կողմերը քննարկել են երկկողմ խաղաղության օրակարգի առաջխաղացումը, ներառյալ խաղաղության պայմանագիրը, սահմանների սահմանազատումն ու սահմանագծումը և փոխադարձ հետաքրքրություն ներկայացնող այլ հարցեր։ Արտաքին գործերի նախարարներին հանձնարարականներ են տրվել՝ շարունակել խաղաղության և միջպետական ​​հարաբերությունների հաստատման համաձայնագրի շուրջ երկկողմ բանակցությունները՝ այն հնարավորինս արագ վերջնական տեսքի բերելու և կնքելու նպատակով։

15:25

Կազանում անցկացվող BRICS XVI գագաթնաժողովի շրջանակում Outreach/BRICS+ ձևաչափով մեկնարկել է՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպումը։ 

Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։