Ադրբեջանում նվազեցվել է զինվորական ծառայության զորակոչի տարիքային շեմը

Ադրբեջանում նվազեցվել է զինվորական ծառայության զորակոչի առավելագույն տարիքը:
 
Ինչպես հայտնում է Caliber.Az-ը, դա արտացոլվել է նախագահ Իլհամ Ալիևի կողմից հաստատված՝ «Զինապարտության և զինվորական ծառայության մասին» օրենքում կատարված փոփոխություններում։
 
Փոփոխությունների համաձայն՝ զորակոչի կենթարկվեն Ադրբեջանի 18-ից 30 տարեկան արական սեռի քաղաքացիները, ովքեր չեն անցել  պարտադիր զինվորական ծառայություն։
 
Հիշեցնենք, որ մինչ փոփոխությունները տարիքային շեմը 18-ից 35 տարեկան էր։
 
Ադրբեջանի Զինված ուժերում պարտադիր զինվորական ծառայության առավելագույն տարիքը 36,5-ից կրճատվել է 31,5-ի։
 
Բացի այդ, ըստ փոփոխությունների, զորակոչային տարիքի քաղաքացիների կողմից բժշկական զննումը կհամարվի զինապարտություն։