Լուկաշենկոն ցավակցություն է հայտնել Իլհամ Ալիևին

Բելառուսի նախագահ Ալեքսանդր Լուկաշենկոն ուղերձ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկություն է հրապարակվել ԱՀ ղեկավարի պաշտոնական կայքում։

«Բելառուսում խորը վշտով են ընդունել՝ Ղազախստանի Ակտաուի մերձակայքում AZAL-ի մարդատար ինքնաթիռի ողբերգական վթարից զոհվածների մասին լուրը։ Մենք կիսում ենք ադրբեջանական ժողովրդի ցավն ու այս անդառնալի կորստի դառնությունը։

Հարգելի Իլհամ Հեյդար օղլու, այս դժվարին պահին ընդունեք իմ անկեղծ աջակցության խոսքերը Ձեզ, ինչպես նաև  զոհվածների հարազատներին ու մերձավորներին: Տուժածներին մաղթում եմ շուտափույթ ապաքինում»,- ասված է ուղերձում։