«ԱՊՀ մշակութային մայրաքաղաք - 2025»-ը Լաչինում

Լաչինում տեղի է ունեցել՝ «ԱՊՀ մշակութային մայրաքաղաք - 2025» ծրագրի բացման արարողությունը։
 
Ինչպես հաղորդում է APA-ն, միջոցառմանը բացման խոսքով հանդես է եկել մշակույթի նախարար Ադիլ Քերիմլին։
 
Նախարարը նշել է, որ ադրբեջաներեն «Լաչին» բառը նշանակում է «բազե», որը ճշգրիտ արտացոլում է քաղաքի ոգին և մթնոլորտը. «Այս քաղաքը, ինչպես բազեն, գտնվում է բարձր լեռների մեջ և դարձել է տարածաշրջանի ամենաարժեքավոր մարգարիտներից մեկը։ Այստեղ յուրահատուկ բնությունը միահյուսվում է հին և հարուստ մշակույթի հետ։ Լաչինը եղել է Ադրբեջանի մշակութային կենտրոններից մեկը, որը ոգեշնչել է հայտնի աշուղներին, բանաստեղծներին, նկարիչներին և երաժիշտներին»։
 
Նշենք, որ միջոցառմանը մասնակցում են՝ Անկախ Պետությունների Համագործակցության 6 անդամ երկրների մոտ 100 պաշտոնական ներկայացուցիչներ և հյուրեր։