COP29 նախագահ. Կլիմայի փոփոխությունը սպառնում է տնտեսության առանցքային ոլորտներին

Կլիմայի փոփոխությունը լուրջ բացասական ազդեցություն է թողնում՝ Ադրբեջանի գյուղատնտեսության, ջրային ռեսուրսների, անտառների և կենսաբազմազանության, առողջապահության, զբոսաշրջության և այլ ոլորտների վրա։
 
Ինչպես հաղորդում է Report-ը, այս մասին Բաքվում «Իրավունք և կլիմա» միջազգային համաժողովի բացմանը հայտարարել է՝ COP29-ի նախագահ, բնապահպանության և բնական պաշարների նախարար Մուխթար Բաբաևը։
 
Նրա խոսքով, կլիմայի փոփոխության հետևանքները նկատում են ոչ միայն մասնագետները, այլև երկրի բոլոր բնակիչները։
 
«Կցանկանայի հատկապես ընդգծել ափամերձ գոտիների հետ կապված իրավիճակը։ Վերջին տարիներին Կասպից ծովի մակարդակը զգալիորեն նվազում է, ինչպես տեխնածին, այնպես էլ մարդածին բնույթի պատճառներով։ Քանի որ կլիմայի փոփոխության ազդեցությունը մեծանում է, օրենսդրության դերը նույնպես մեծանում է: Իրավական համակարգերը ոչ միայն պետք է ապահովեն արտանետումների կրճատում, այլև ձգտեն պաշտպանել կլիմայի փոփոխության ազդեցությունից առավել տուժած համայնքների իրավունքները»,- ասել է  նախարարը։
 
Մուխթար Բաբաևը նշել է, որ Կլիմայի փոփոխության մասին ՄԱԿ-ի շրջանակային կոնվենցիան և Փարիզի համաձայնագիրը կազմում են՝ կլիմայի փոփոխության դեմ պայքարում միջազգային համագործակցության հիմքը։