Վրաստանցի պատգամավոր. Ադրբեջանի աջակցությունը մեզ համար կարևոր է

Վրաստանի համար շատ կարևոր է Ադրբեջանի և նախագահ Իլհամ Ալիևի աջակցությունը։ Երկու երկրների համագործակցությունը խաղաղության երաշխիք է հանդիսանում Հարավային Կովկասում:

 Այս մասին Report-ին հայտնել է՝ Վրաստանի խորհրդարանի միջտարածաշրջանային քաղաքականության և ինքնակառավարման հանձնաժողովի նախագահ Իրակլի Կադագիշվիլին։
 
Նա նշել է, որ Ադրբեջանի և Վրաստանի առաջնորդների ու ժողովուրդների իմաստությունը՝ փրկել է տարածաշրջանը օտար արժեքներից և ոչ ավանդական միտումներից։
 
«Հարևան, բարեկամ երկրները միշտ պետք է ուշադրություն դարձնեն այս հարցերին, որպեսզի համատեղ լուծեն առաջացող խնդիրները և աջակցեն միմյանց։ Սա նպաստում է յուրաքանչյուր երկրի ինքնիշխանության և ժողովրդավարության ամրապնդմանը: Կարծում եմ, որ համագործակցությունը կարևոր դեր է խաղում այս հարցերի լուծման գործում։ Այսօր որոշ ուժեր փորձում են սրել իրավիճակը Վրաստանում, ուստի Վրաստանի համար շատ կարևոր է Ադրբեջանի և նախագահ Իլհամ Ալիևի աջակցությունը»,- ասել է Կադագիշվիլին։