Ադրբեջանում հավատարմագրված դիվանագետները այցելել են Զանգիլանում կառուցվող երկաթուղային կայարան ԹԱՐՄԱՑՎԱԾ

Ադրբեջանում հավատարմագրված դիվանագետները և միջազգային կազմակերպությունների ներկայացուցիչները այցելել են՝ Զանգիլանի շրջանում կառուցվող «Հաքքարի»  երկաթուղային կայարան։
 
Report-ի  փոխանցմամբ, դիվանագետներին տեղեկատվություն է ներկայացվել՝ շինարարական աշխատանքների ընթացքի, երկաթուղային գծերի և կայարանի ենթակառուցվածքների շինարարության, ինչպես նաև նախագծի հետագա զարգացման պլանների մասին։
 
Նշվում է, որ «Հաքքարի» կայարանով անցնող երկաթուղին կդառնա Զանգեզուրի միջանցքի մաս (ներառյալ դրա 42-րդ TRIPP հատվածը, որը կանցնի Հայաստանի տարածքով) և Ադրբեջանի  հիմնական տարածքը կկապի Նախչըվանի Ինքնավար Հանրապետության հետ։
Պատվիրակության կազմում են՝ 51 երկրների և 12 միջազգային կազմակերպությունների ավելի քան 100 ներկայացուցիչներ։
 
Պատվիրակությանը ուղեկցում է՝ Ադրբեջանի նախագահի օգնական, նախագահի աշխատակազմի արտաքին քաղաքականության  հարցերի բաժնի ղեկավար Հիքմեթ Հաջիևը։
 
Նշենք, որ սա դիվանագիտական ​​կորպուսի թվով 20-րդ այցն է Ադրբեջանի ազատագրված շրջաններ։

10:30

2025 թվականի հոկտեմբերի 31-ին, Ադրբեջանի Հանրապետության նախագահի հանձնարարությամբ, մեկնարկել է մեր երկրում հավատարմագրված միջազգային կազմակերպությունների ներկայացուցչությունների և դեսպանատների ղեկավարների այցը Ջաբրայիլի և Զանգիլանի շրջաններ։

APA-ի փոխանցմամբ՝ ուղևորությանը մասնակցում են 51 երկրների և 12 միջազգային կազմակերպությունների ավելի քան 100 ներկայացուցիչներ։

Հյուրերին ուղեկցում է Ադրբեջանի Հանրապետության նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը: Դիվանագետները տեղում կծանոթանան Ջաբրայիլի և Զանգիլան շրջաններում վերականգնողական և վերակառուցման աշխատանքների ընթացքին։