Անկարայում կայացել է Ադրբեջանի, Թուրքիայի և Վրաստանի պաշտպանության նախարարների հանդիպումը

Հոկտեմբերի 9-ին կայացել է՝ Ադրբեջանի, Վրաստանի և Թուրքիայի պաշտպանության նախարարների 12-րդ եռակողմ հանդիպումը։
 
AZERTAC-ի փոխանցմամբ՝ Անկարայում կայացած հանդիպմանն ընդգծվել է, որ մեր ժողովուրդների միջև բարեկամական և բարիդրացիական հարաբերությունները, ինչպես նաև փոխադարձ համագործակցությունը զարգանում են պետությունների և կառավարությունների ղեկավարների ղեկավարությամբ։
 
Ադրբեջանի Հանրապետության պաշտպանության նախարար գեներալ-գնդապետ Զաքիր Հասանովը, Թուրքիայի Հանրապետության ազգային պաշտպանության նախարար Յաշար Գյուլերը և Վրաստանի պաշտպանության նախարար Իրակլի Չիկովանին քննարկել են՝ տարածաշրջանում ռազմաքաղաքական իրավիճակը, եռակողմ ձևաչափով ռազմական համագործակցության զարգացումը, տարածաշրջանային նախագծերի անվտանգության ապահովումը, ինչպես նաև ռազմական, ռազմատեխնիկական, ռազմակրթական և ռազմաբժշկական ոլորտներում համագործակցության նոր հեռանկարները։
 
Հանդիպման ընթացքում ընդգծվել է, որ  պաշտպանության ոլորտում  եռակողմ համագործակցությունը կարևոր դեր է խաղում՝  տարածաշրջանում խաղաղության, կայունության և անվտանգության, ժողովուրդների կայուն զարգացման և բարեկեցության ապահովման գործում։
 
Կողմերը նաև ընդգծել են՝ եռակողմ և երկկողմ զորավարժությունների անցկացման կարևորությունը և մտքեր են փոխանակել՝ փոխադարձ հետաքրքրություն ներկայացնող ռազմական համագործակցության այլ հարցերի շուրջ։