Այսուհետ նավթի արդյունահանման անհիմն անկում չի լինի. Ալիև

Վերջին տարիներին արտասահմանյան նավթային ընկերությունների կողմից իրականացվող նախագծերի շրջանակներում նավթի արդյունահանումը տարեցտարի նվազում է, ինչը, բնականաբար, բացասաբար է ազդել մեր ընդհանուր տնտեսական զարգացման տեմպերի վրա, և այդ անկումը մենք փոխհատուցել ենք զարգացնելով ոչ նավթային հատվածը:

Ինչպես հաղորդում է AZERTAC-ը, այս մասին հայտարարել է նախագահ Իլհամ Ալիևը տնտեսական հարցերին նվիրված խորհրդակցության ժամանակ ունեցած ելույթում։

«Սակայն արտասահմանյան նավթային ընկերությունների հետ բանակցությունների արդյունքում նրանց ուշադրությանն է ներկայացվել նավթի արդյունահանման թերությունները, և նրանցից պահանջվել է վերացնել այդ թերությունները և ապահովել նավթի արդյունահանման կայունությունը։ Վերջին ամիսներին այս ուղղությամբ շատ ակտիվ աշխատանքներ են տարվում։ Արդյունքում հիմնավոր հույսեր կան, որ այսուհետ նավթի արդյունահանման անհիմն անկում չի լինի»,- նշել է պետության ղեկավարը։