Ի.Ալիևը հաստատել է Վարչական իրավախախտումների մասին օրենսգրքում փոփոխություններ

Ադրբեջանի նախագահ Իլհամ Ալիևը հաստատել է՝ Վարչական իրավախախտումների  մաին օրենսգրքում փոփոխությունները։
 
Ինչպես հաղորդում է Caliber.Az-ը, փոփոխությունների համաձայն՝ վարչական տույժ կիրառելու որոշումը իրավական ուժ չի ունենա, եթե այն 24 ժամվա ընթացքում չի տեղադրվում խախտողի էլեկտրոնային կաբինետում։
 
Վարչական իրավախախտումները կգրանցվեն İCMAL տեղեկատվական համակարգում։ Եթե տուգանքի տեսքով վարչական տույժ կիրառելու որոշումը կատարվում է ուժի մեջ մտնելու օրվանից հետո 10 օրվա ընթացքում, խախտողը կազատվի նշանակված տուգանքի 10 տոկոսի վճարումից։ Վարչական տուգանքը կվճարվի վճարային քարտի և այլ վճարային գործիքների միջոցով։