Բաքուն և Իսլամաբադը քննարկել են ռազմական համագործակցության հեռանկարները

Հոկտեմբերի 28-ին Ադրբեջանի պաշտպանության նախարար Զաքիր Հասանովն ընդունել է՝ պաշտոնական այցով մեր երկրում գտնվող Պակիստանի Շտաբների պետերի միացյալ  կոմիտեի նախագահ, գեներալ Սահիր Շամշադ Միրզայի գլխավորած պատվիրակությանը։
 
Ինչպես Caliber.Az-ին հայտնել են Պաշտպանության նախարարությունից, հանդիպմանը Զաքիր Հասանովը նշել է, որ մեր երկրների միջև ռազմական կապերը կառուցված են բարեկամական և եղբայրական հարաբերությունների վրա։ Նա հատկապես ընդգծել է՝ Ադրբեջանի, Պակիստանի և Թուրքիայի միջև երկկողմ և եռակողմ ռազմական համագործակցության հետագա ընդլայնման կարևորությունը։
 
Պաշտպանության նախարարը Պակիստանի պատվիրակությանը տեղեկացրել է՝ հայ-ադրբեջանական սահմանին տիրող օպերատիվ իրավիճակի մասին։
 
Սահիր Շամշադ Միրզան ընդգծել է փոխայցելությունների կարևորությունը՝ ադրբեջանա-պակիստանյան ռազմական համագործակցության զարգացման գործում։ Հյուրը շնորհավորել է պաշտպանության նախարարին գալիք Հաղթանակի օրվա՝ նոյեմբերի 8-ի կապակցությամբ։ Հանդիպմանը, որին մասնակցել է նաև Պակիստանում Ադրբեջանի արտակարգ և լիազոր դեսպան Խազար Ֆարհադովը, քննարկվել են՝ մեր երկրների միջև ռազմական, ռազմատեխնիկական, ռազմակրթական ոլորտներում համագործակցության նոր հեռանկարները և փոխադարձ հետաքրքրություն ներկայացնող այլ հարցեր։