Հունգարիայի ԱԳՆ-ն դատապարտել է Եվրախորհրդարանի հակաադրբեջանական բանաձևը
«Հունգարիան ընդգծում է, որ Եվրամիությունը պետք է պահպանի կառուցողական և հավասարակշռված մոտեցում ինչպես Ադրբեջանի, այնպես էլ Հայաստանի նկատմամբ։ Բաքվի դատապարտումը կարող է բացասաբար ազդել ԵՄ-ի՝ որպես Ադրբեջանի և Հայաստանի միջև միջնորդի դերի վրա, ինչպես նաև խոչընդոտել հակամարտությունը խաղաղ ճանապարհով լուծելու փորձերին»։
Այս մասին ասել է՝ Հունգարիայի արտաքին գործերի և առևտրի նախարարության անվտանգության քաղաքականության և էներգետիկ անվտանգության հարցերով պետքարտուղար Պետեր Սթարայը՝ ի պատասխան հոկտեմբերի 23-ին Եվրախորհրդարանի կողմից ընդունված RC-B10-0133/2024 աղմկահարույց բանաձևի վերաբերյալ AZERTAC-ի հարցին։
Հիշեցնենք, որ բանաձևով առաջարկվում է կրճատել Բաքվի հետ դիվանագիտական ուղիները և կասեցնել «Էներգետիկայի ոլորտում ռազմավարական գործընկերության մասին փոխըմբռնման հուշագիրը», որը ստորագրվել է Ադրբեջանի ու Եվրամիության կողմից 2022 թվականին։ «Քանի որ Հունգարիան հավատարիմ է կապի ուղիների պահպանմանը, մենք մտահոգված ենք այս զարգացմամբ և ցանկանում ենք ընդգծել, որ առանց երկու կողմերի մասնակցության՝ տարածաշրջանի երկարաժամկետ անվտանգությունն ապահովելու լուծում չի կարող գտնվել։ Հունգարիայի կառավարությունը հանդիսանում է՝ ԵՄ-ի և Ադրբեջանի միջև գործընկերության զարգացման ամուր կողմնակիցը և, հետևաբար, դատապարտում է Եվրախորհրդարանի կողմից ընդունված ևս մեկ անպատասխանատու և միակողմանի բանաձևը»,- հայտարարել է Պ.Ստարայը:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж