Քանի՞ ադրբեջանցի ուսանող է սովորում Ուկրաինայում։

Ներկայումս Ուկրաինայի համալսարաններում սովորում է Ադրբեջանից ավելի քան 5000 ուսանող։
 
Caliber.Az-ի փոխանցմամբ, այս մասին սոցիալական ցանցում գրել է՝ Բաքվում Ուկրաինայի դեսպան Յուրի Գուսևը։
 
«Ադրբեջանը առաջատարների շարքում է Ուկրաինայում սովորող ուսանողների թվով։ Ուկրաինայի կրթության և գիտության նախարարության տվյալներով՝ Ադրբեջանից ավելի քան 5000 ուսանողներ՝ բարձրագույն կրթություն  ստանալու համար ընտրել են Ուկրաինայի  համալսարանները», - նշել է դիվանագետը։
 
Նա հավելել է, որ վիճակագրության համաձայն՝ Ուկրաինայում ամենամեծ թվով օտարերկրյա ուսանողներ են գալիս Չինաստանից՝ 6846։ Առաջին եռյակում են նաև Ադրբեջանը (5017 ուսանող) և Վրաստանը (1081)։ Նրանց հաջորդում են Հնդկաստանը (930), Մարոկկոն (723) և Թուրքիան (636)։
 
«Ադրբեջանում Ուկրաինայի դեսպանատունը երախտագիտություն է հայտնում ադրբեջանցի ուսանողներին՝ ուկրաինական կրթության նկատմամբ վստահության և հետաքրքրության համար: Դիվանագիտական ​​առաքելությունը՝ Study in Ukraine նախաձեռնության տնօրեն Ելենա Շապովալովայի և նրա թիմի հետ համատեղ, մտադիր է շարունակել աշխատանքը՝ Ուկրաինայի և Ադրբեջանի միջև կրթական կապերի ընդլայնման ուղղությամբ», - նշվում է հրապարակման մեջ: