Շուշայում ընդլայնվում են ջրամատակարարման և կոյուղու համակարգերը

Շուշա քաղաքում վերակառուցվում են ջրամատակարարման և կոյուղու համակարգերը։
 
Այս մասին հայտնում է Caliber.Az-ը՝ Ադրբեջանի ջրային ռեսուրսների պետական ​​գործակալությանը հղումով։
 
Զարըսլըչայ գետի Դաշալթը գյուղի մոտ կառուցվել է՝ 25 հազար խորանարդ մետր ծավալով ջրամբար, անցկացվել է 2,9 կմ երկարությամբ և 159 մմ տրամագծով ճնշումային ջրատար, տեղադրվել է պոմպակայան։ Բացի այդ, Քիչիք Քիրս-Շուշա մայրուղային ջրատարի մաշված 5,2 կմ հատվածում 530-426 մմ տրամագծով նոր խողովակներ են անցկացվել։
 
Քաղաքի պետական հիմնարկների շենքերը, հյուրանոցները, հասարակական սննդի ձեռնարկությունները և այլ օբյեկտները ապահովված են՝ նոր աղբյուրից խմելու ջրի անխափան մատակարարմամբ։
 
«Ջուրը քաղաք է մատակարարվում երկու հիմնական աղբյուրներից՝ Զարըսլըչայից և Քիչիք Քիրսից: Վերակառուցման շրջանակներում Զարըսլըչայ աղբյուրի մոտ կառուցվել է պատնեշ և տեղադրվել պոմպակայան»,- ասել է Շուշայի ջրանցքի  գլխավոր ինժեներ Փարվիզ Մահերրամովը։