Թուրքիայի առևտրի փոխնախարարն այցելել է Աղդամի արդյունաբերական պարկ

Թուրքիայի առտրի փոխնախարար Մուստաֆա Թուզջուի գլխավորած պատվիրակությունը ծանոթացել է՝ Ադրբեջանի ազատագրված տարածքներում վերականգնման և շինարարական աշխատանքների ընթացքին։
 
Ինչպես հաղորդում է Caliber.Az-ը՝ հղում անելով   տնտեսության նախարարությանը, Ադրբեջանի  տնտեսության փոխնախարար Սամադ Բաշիրլիի հետ հանդիպման ժամանակ՝ թուրքական պատվիրակությանը զեկուցվել է ազատագրված տարածքներում, այդ թվում՝ Աղդամի արդյունաբերական պարկում կատարված աշխատանքների, ներդրողների համար գրավիչ հնարավորությունների, ձեռնարկատիրական գործունեության համար ստեղծված ենթակառուցվածքի, կիրառվող հարկային, մաքսային և այլ արտոնությունների մասին։
 
Նշվել է Աղդամի արդյունաբերական պարկի կարևորությունը՝ ազատագրված տարածքների բիզնես ներուժի իրագործման, ոչ նավթային հատվածի զարգացման, զբաղվածության մակարդակի բարձրացման, մրցունակ արտադրանքի արտադրության ավելացման  տեսանկյունից։ Այս առումով ընդգծվում է, որ Աղդամի արդյունաբերական պարկը, որը գտնվում է Ղարաբաղի և  մյոս տարածաշրջանների հանգույցում, ռեզիդետների թվով երկրորդ տեղն է զբաղեցնում երկրի արդյունաբերական պարկերի շարքում։ Ներկայումս նրա տարածքում գործում է 9 ձեռնարկություն։ Այստեղ արտադրվող արտադրանքը վաճառվում է ոչ միայն ներքին շուկայում, այլև արտահանվում է։