Ադրբեջանը խաղալու է Հայաստանի հետ

Որոշվել են՝ ԵՎՐՈ-ի C դիվիզիոններում Ադրբեջանի բասկետբոլի աղջիկների և տղաների մրցակիցները։

Caliber.Az-ը հայտնում է, որ մինչև 16 տարեկան աղջիկների հավաքականը B խմբում կխաղա Անդորրայի, Մոլդովայի և Ալբանիայի հավաքականների հետ։ Այս հանդիպումները կանցկացվեն հուլիսի 18-23-ը Անդորրայում։

Տղաները (Մ-16) նույնպես հայտնվել են B խմբում, որտեղ կհանդիպեն Ալբանիայի, Կիպրոսի, Հայաստանի և Սան Մարինոյի ընտրանիների հետ։ Այս խմբի հանդիպումները կանցկացվեն հուլիսի 19-27-ը Կոսովոյում։

Մ-18 հավաքականը C խմբում է, որտեղ կխաղա Մալթայի, Կիպրոսի և Մոլդովայի հավաքականների հետ։ Այդ հանդիպումները Բաքվում կանցկացվեն հուլիսի 29-ից օգոստոսի 6-ը։