Ադրբեջանում մեկնարկում է Ֆորմուլա 1-ի Գրան պրին

Այսօր Բաքվում մեկնարկում է Ֆորմուլա 1-ի Ադրբեջանի Գրան Պրին։

Ինչպես հայտնում է Caliber.Az-ը, մրցումային առաջին օրը Ֆորմուլա 1-ի դասում երկու ազատ մրցավազք է անցկացվելու, ինչպես նաև Ֆորմուլա 2-ի թեստային և որակավորման մրցումներ։ Բաքվի 6003 կմ ընդհանուր երկարությամբ ուղին բաղկացած է 20 շրջադարձից և 51 պտույտից,  իսկ վարորդները պետք է անցնեն ընդհանուր առմամբ 306,049 կմ:

Բաքվի ուղին եզակի է նրանով, որ մեկնարկային ուղիղը ամենաերկարն է առաջնության օրացույցում (2,1 կմ), որի ավարտին մրցարշավորդները զարգացնում են մինչև 340 կմ/ժ արագություն։ Երթուղու մեկ այլ առանձնահատկությունն այն է, որ այն ունի 8 90 աստիճան շրջադարձ:

Բաքվում ընթացող մրցավազքի մեկնարկին ընդհանուր աղյուսակում առաջատարը Red Bull-ի հոլանդացի մրցարշավորդ Մաքս Վերստապենն է (303 միավոր), երկրորդը բրիտանացի Լանդո Նորիսն է McLaren-ից (241 միավոր), մոնեգասկ Շառլ Լեկլերը՝ Ferrari-ից: (217 միավոր), որին հաջորդում է McLaren-ը ներկայացնող ավստրալացի Օսկար Պիաստրին (197), լավագույն հնգյակը եզրափակում է իսպանացի Կառլոս Սաինցը (Ferrari), նա ունի 184 միավոր։ Նշենք, որ Ադրբեջանի Գրան Պրին կավարտվի սեպտեմբերի 15-ին։