Ադրբեջանը պատրաստվում է բողոք ներկայացնել ՄՕԿ

Ադրբեջանը բողոք կներկայացնի Միջազգային օլիմպիական կոմիտե (ՄՕԿ) ֆրանսիական France 2 հեռուստաալիքով Օլիմպիական խաղերի բացման արարողության ուղիղ հեռարձակման ժամանակ՝ Բաքվի դեմ արված հայտարարությունների հետ կապված

Ինչպես հաղորդում է Caliber.Az-ը, այս մասին հայտարարել է՝ Ադրբեջանի Ազգային օլիմպիական կոմիտեի (ԱՕԿ) փոխնախագահ Չինգիզ Հուսեյնզադեն։

«Բողոքը նախապատրաստվում է։ Ներկայումս ճշտվում է դրա տեքստը։ Մենք այսօր կաշխատենք բողոքը փոխանցել ՄՕԿ»,- ասել է Հուսեյնզադեն։

Նա հավելել է, որ ԱՕԿ-ն իր խողովակներով կտարածի բողոքի տեքստը։