Գայիբովը Ղազախստանում մասնակցել է Քոչվորների համաշխարհային V խաղերի բացմանը

Ադրբեջանի երիտասարդության և սպորտի նախարար Ֆարիդ Գայիբովն այց է կատարել Ղազախստան և, ի թիվս այլ հարցերի, մի շարք երկկողմ հանդիպումներ է անցկացրել։

Այս մասին հայտնում է Caliber.Az-ը՝ հղում անելով նախարարության մամուլի ծառայությանը։ Այցի շրջանակներում նախարարը մասնակցել է՝ Քոչվորների համաշխարհային V խաղերի բացման արարողությանը։ 

Գայիբովը երկկողմ հանդիպումներ է անցկացրել նաև՝ Էթնիկ սպորտի համաշխարհային կոնֆեդերացիայի նախագահ Նաջմեդդին Բիլալ Էրդողանի, ՌԴ սպորտի նախարար Միխայիլ Դեգտյարևի և Ղազախստանի զբոսաշրջության և սպորտի նախարար Էրբոլ Միրզաբոսինովի հետ։