Ադրբեջանը մեծ նշանակություն է տալիս Քուվեյթի հետ համագործակցությանը Ի.Ալիևը՝ Քուվեյթի էմիրին ուղղված նամակում

Ադրբեջանի նախագահ Իլհամ Ալիևը շնորհավորական նամակ է հղել՝ Քուվեյթի Պետության Էմիր Նորին Մեծություն Նավաֆ ալ-Ահմեդ ալ-Ջաբեր ալ-Սաբահին:

Այս մասին հայտնում է Caliber.Az-ը՝ ԱՀ նախագահի մամուլի ծառայությանը հղումով։

«Ձերդ գերազանցություն.

Փետրվարի 25-ի` Քուվեյթի Պետության ազգային տոնի կապակցությամբ, իմ և Ադրբեջանի ժողովրդի անունից ի սրտե շնորհավորում եմ Ձեզ և Ձեր ողջ ժողովրդին, փոխանցում իմ ամենաանկեղծ մաղթանքները։

Ադրբեջանը մեծ նշանակություն է տալիս Քուվեյթի հետ բարեկամության և համագործակցության հարաբերություններին, որոնք հիմնված են ամուր իսլամական համերաշխության վրա։ Վստահ եմ, որ մենք կշարունակենք համատեղ ջանքեր գործադրել՝ ամրապնդելու ադրբեջանա-քուվեյթյան կապերը, լիովին օգտագործելու մեր համագործակցության ներուժը, որը երկուստեք հետաքրքրություն է ներկայացնում ինչպես երկկողմ, այնպես էլ բազմակողմ հարթություններում։

Նման նշանակալից օրը Ձեզ մաղթում եմ քաջառողջություն, երջանկություն, հաջողություններ գործերում, իսկ Քուվեյթի բարեկամ ժողովրդին՝ մշտական բարեկեցություն և բարգավաճում»,- ասված է նամակում։