Ալիևները՝ Բաքվի Նարիմանովի շրջանում նոր զբոսայգու բացմանը ԼՈՒՍԱՆԿԱՐ

Հոկտեմբերի 1-ին Ադրբեջանի Հանրապետության նախագահ Իլհամ Ալիևը և առաջին տիկին Մեհրիբան Ալիևան մասնակցել են՝ Բաքվի Նարիմանովի շրջանում նոր զբոսայգու բացմանը։
 
Caliber.Az-ի տվյալներով՝ այս միջոցառման մասին տեղեկատվությունը տեղադրվել է պետության ղեկավարի պաշտոնական կայքում։ Բաքվի Գործադիր իշխանության ղեկավար Էլդար Ազիզովը՝ նախագահին և առաջին տիկնոջը տեղեկացրել է զբոսայգու մասին։
 
Նշվել է, որ նոր հանգստի գոտին գտնվում է Ահմեդ Բեյ Աղաօղլու, Թավրիզի և Թալաթ Շիխալիևի փողոցների խաչմերուկում՝ Իտալա-ադրբեջանական համալսարանի մոտ։ 3.5 հեկտար տարածք զբաղեցնող այգում  տեղադրվել են բնակիչների հանգստի համար տաղավարներ, ստեղծվել են ամֆիթատրոն, թենիսի կորտ, երեխաների համար զվարճանքի գոտիներ և ժամանակակից լուսավորության համակարգ։ Այստեղ կան   բոլոր հնարավորությունները՝ հանգստանալու, ինչպես նաև սպորտով զբաղվելու համար։
 
Վերջին տարիներին Բաքվի տեսքը արագ փոխվում է։ Նոր զբոսայգիների և ծառուղիների ստեղծման, կանաչ տարածքների ընդլայնման և առկա հանգստի գոտիների նորացման շնորհիվ մայրաքաղաքը զարգանում է՝ դառնալով աշխարհի ամենագեղեցիկ քաղաքներից մեկը։
 
Բաքվի տարբեր վայրերում բացվող նոր հանգստի գոտիները պայմաններ են ստեղծում բնակիչների համար՝ իրենց ազատ ժամանակը արդյունավետ անցկացնելու և նաև նպաստում են շրջակա միջավայրի բարելավմանը։ Բնակիչների տնօրինությանը  հանձնված այգին դարձել է նոր հասցե՝ մայրաքաղաքի «կանաչ քարտեզի» վրա։