Ադրբեջանի և Թուրքիայի նախագահները քննարկել են Եվրոպա գազի մատակարարումների ավելացման հնարավորությունը

Մարտի 10-ին Անկարայում կայացել է Ադրբեջանի Հանրապետության նախագահ Իլհամ Ալիևի և Թուրքիայի Հանրապետության նախագահ Ռեջեփ Թայիբ Էրդողանի հանդիպումը։

Թուրքիայի նախագահ Ռեջեփ Թայիբ Էրդողանը Չանքայա պալատում դիմավորել է Ադրբեջանի նախագահ Իլհամ Ալիևին, հայտնում է Caliber.Az-ը:

Հանդիպմանն անդրադարձ է եղել էներգետիկ ոլորտում Ադրբեջանի և Թուրքիայի համագործակցությանը, մասնավորապես, նշվել է Հարավային գազային միջանցքի հաջող գործունեությունը, քննարկվել են այդ միջանցքով դեպի եղբայրական երկիր, ինչպես նաև Թուրքիայի տարածքով դեպի Եվրոպա գազի մատակարարումների ավելացման հնարավորությունները։