Ադրբեջանն առաջին անգամ կհյուրընկալի երիտասարդական ԵՎՐՈ-ն

Ադրբեջանում առաջին անգամ կանցկացվի բռնցքամարտի Եվրոպայի երիտասարդական առաջնությունը (Մ-22):

Ինչպես հաղորդում է Azerisport.com-ը, համապատասխան որոշումը հայտնել է բռնցքամարտի եվրոպական կոնֆեդերացիան։ Քվեարկության արդյունքներով՝ Ադրբեջանի թեկնածությունն առաջ է անցել Բուլղարիայից և Ռումինիայից՝ ստանալով երիտասարդական ԵՎՐՈ-ն հյուրընկալելու իրավունք։ Առաջնությունը կանցկացվի Բաքվում այս տարվա հոկտեմբեր-նոյեմբեր ամիսներին։ ԵՎՐՈ-ի ճշգրիտ ժամկետները կհայտարարվեն մոտ օրերս։

Կոնֆեդերացիան որոշել է նաև Ռումինիային հանձնարարել պատանեկան ԵՎՐՈ-ի անցկացումը հուլիսին, իսկ Սլովենիային՝ օգոստոսին դպրոցականների շրջանում մրցումը։