Ազերիշըգ. Ստեղծվել է Շուշա քաղաքի թվային նմանակը

«Ազերիշըգ» ԲԲԸ հատուկ ծրագրային ապահովման միջոցով ստեղծվել է Շուշա քաղաքի 3D քարտեզը։

Այս մասին Բաքվում անցկացվող TEKNOFEST Azerbaijan օդատիեզերական և տեխնոլոգիական փառատոնի ժամանակ ասել է՝ Նորարարությունների և 3D շարժական քարտեզների ԲԲԸ-ի նախագահի խորհրդական Էլշան Մուսաևը, հայտնում է Сaliber.Az-ը։

Է.Մուսաևի խոսքով, այսօր TEKNOFEST փառատոնի մասնակիցներից և ոչ մեկը չունի «Ազերիշըգ»-ի կիրառած տեխնոլոգիաները. «Շուշայի ամբողջ տարածքը, փողոցները սկանավորվել են հատուկ սարքի միջոցով և գծագրվել 3D քարտեզի վրա։ Ունենք 360 աստիճան տեսարան դեպի քաղաք։ Մեր Leica Pegasus 2 Ultimate սարքավորումն արտադրում է 1 միլիոն կետ վայրկյանում: Ամբողջ Շուշան ցուցադրվում է որպես կետային ամպ և համայնապատկեր: Սա նշանակում է, որ մենք ստեղծել ենք այս քաղաքի թվային նմանակը (Digital tweening): Շինարարական կամ նախագծային աշխատանքների պատճառով վաղը Շուշա այցելելու կարիք չի լինի։ API-ի (Application Programming Interface) օգնությամբ մենք կարող ենք վիճակագրական տվյալներ ցույց տալ ցանկացած ներդրողի»։

Նրա խոսքով՝ նոր տեխնոլոգիան նվազեցնում է ծախսերը, օպտիմալացնում և բիզնեսը դարձնում թափանցիկ։