Ալիևը՝ Մակրոնին. Մենք բարձր ենք գնահատում Ֆրանսիայի ներդրումը մեր տարածքների ականազերծման գործընթացում

Նախագահ Իլհամ Ալիևը շնորհավորական նամակ է հղել Ֆրանսիայի նախագահ Էմանուել Մակրոնին՝ երկրի ազգային տոնի կապակցությամբ։

Այս մասին հայտնում է Caliber.Az-ը՝ պետության ղեկավարի կայքին հղումով։

«Հարգելի պարոն նախագահ,

Սրտանց շնորհավորում եմ Ձեզ և ողջ ժողովրդին Ֆրանսիայի Հանրապետության ազգային տոնի առթիվ՝ լավագույն բարեմաղթանքներով։

Այս տարի նշանավոր տարելից է ադրբեջանա-ֆրանսիական միջպետական հարաբերությունների պատմության մեջ։ Ընթացիկ տարում, երբ մենք նշում ենք մեր երկրների միջև դիվանագիտական հարաբերությունների հաստատման 30-ամյակը, դիտարկում ենք անցած ժամանակահատվածում ձեռք բերված նվաճումները, ուսումնասիրում ենք՝ տնտեսության, էներգետիկայի, մշակույթի, կրթության և այլ ոլորտներում ձևավորված արդյունավետ համագործակցության կապերի հետագա ընդլայնման հնարավորությունները։ Կարծում եմ, որ տարբեր ոլորտներում մեր փոխշահավետ համագործակցության զարգացման համար հեռանկարներ կան։