«Եկեք չփորձենք մոլորության մեջ գցել աշխարհը» Օսիպյանը՝ Ղարաբաղում «սովի» մասին

«Ոմանք ասում են, որ ես իբր հարցազրույց եմ տվել, որը չի համապատասխանում մեր շահերին։ Խոսքը վերաբերում է իմ «Ղարաբաղում սովի բացակայության մասին» հայտարարությանը։

Caliber.Az-ի փոխանցմամբ՝ այս մասին ֆեյսբուքյան իր էջում գրել է ղարաբաղցի «ակտիվիստ» Արթուր Օսիպյանը։

«Հիմա էլ եմ ասում, որ Ղարաբաղում խնդիրներ կան, խանութները հիմնականում դատարկ են, բայց ասել, որ սա սովամահություն է՝ մատնանշելով փոքր երեխաներին, դա մեզ պատիվ չի բերում։ Մենք ուզում ենք ողջ աշխարհին ասել՝ տեսեք մեր վիճակը, որքան դժվար է, մեր երեխաներին ներկայացնում ենք որպես զոհ։ Այս սուտը չի աշխատում: Այս սուտը հակառակ էֆեկտ է ունենում և մեզ պատիվ չի բերում:

Մարտակերտում (Աղդերե) ողբերգական դեպք է տեղի ունեցել, և ես ցավակցում եմ երկու երեխա կորցրած այս ընտանիքին։ Համբերություն եմ մաղթում նրանց։ Բայց ասել, որ այս երեխաները սովից են մահացել, ուղղակի խայտառակություն է։ Այս նույն աշխարհը տեսնում է, որ ֆեյսբուքյան ղարաբաղցի օգտատերերը հարսանիքներ են անում, խորոված են պատրաստում, մյուս կողմից էլ երեխանե՞ր են սովամահ լինում։ Իսկ ի՞նչ եք կարծում, ինչպե՞ս են նրանք վերաբերվում մեզ։ Իսկ Ղարաբաղում ռեստորանների մի մասը դեռ գործում է։

Գիտե՞ք, թե որն է իմ խոսքերի իմաստը։ Եկեք չփորձենք մոլորության մեջ գցել աշխարհը և խորամանկ խաղեր խաղալ: Մենք չենք կարող մեր գաղտնիքները պահել, բայց ինչպե՞ս կարող եք պատկերացնել, որ ցանկացած սուտ կարող ենք մեր ուզած ձևով ներկայացնել»,- ասել է Օսիպյանը։