Էդգար Ռինկևիչ. Խաղաղ և բարգավաճ Հարավային Կովկասը բխում է մեր ընդհանուր շահերից

Լատվիայի նախագահ Էդգարս Ռինկևիչը նամակ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։

Նամակում ասվում է.

«Ձերդ գերազանցություն, անկեղծորեն շնորհավորում եմ ձեզ Լատվիայի և Ադրբեջանի միջև դիվանագիտական հարաբերությունների հաստատման 30-ամյակի կապակցությամբ, մաղթում խաղաղություն և բարգավաճում ձեր երկրին և ժողովրդին։

Ադրբեջանա-լատվիական բարեկամական հարաբերություններն ավելի քան 100 տարվա պատմություն ունեն. Այսօր մեր երկխոսությունը և ռազմավարական գործընկերությունը խորանում են փոխադարձ հետաքրքրություն ներկայացնող ոլորտներում։ Վստահ եմ, որ մեր համատեղ ջանքերը կնպաստեն Լատվիայի և Ադրբեջանի միջև դինամիկ փոխանակումների հետագա զարգացմանը։

Օգտվելով առիթից՝ ես ևս մեկ անգամ հայտնում եմ Լատվիայի լիակատար աջակցությունը միջազգայնորեն ճանաչված սահմանների շրջանակներում Ադրբեջանի ինքնիշխանությանն ու տարածքային ամբողջականությանը։ Անկախությունը և տարածքային ամբողջականությունը միջազգային իրավական կարգի հիմնարար սկզբունքներն են, և շատ կարևոր է երկրների միջև խաղաղ գոյակցության և երկխոսության պահպանումը։ Խաղաղ, կայուն և բարգավաճ Հարավային Կովկասը բխում է մեր ընդհանուր շահերից։

Թույլ տվեք արտահայտել իմ վճռականությունը՝ ավելի խորացնելու Ադրբեջանի և Լատվիայի միջև կապերը։ Այս առումով ես անհամբեր սպասում եմ ձեր այցին Լատվիա 2024 թվականին»։