Բաքուն պատասխանել է Բրյուսելին. Անտեսում են Միջազգային իրավունքի սկզբունքներն ու նորմերը

Ադրբեջանի Միլլի Մեջլիսը վճռական բողոք է հայտնում՝ Բելգիայի Ներկայացուցիչների պալատի կողմից հուլիսի 17-ին ընդունված կողմնակալ բանաձևի դեմ, որը պարունակում է մեր երկրի դեմ անհիմն մեղադրանքներ։
 
Ինչպես հաղորդում է Caliber.Az-ը, այս մասին ասվում է Ադրբեջանի խորհրդարանի հայտարարության մեջ։
 
«Այս փաստաթղթի հեղինակները, չստուգված, սխալ և միակողմանի տեղեկատվության վրա հիմնված, անտեսում են Հարավային Կովկասի տարածաշրջանում տիրող քաղաքական, իրավական և մարդասիրական իրավիճակը, անտեսում են միջազգային իրավունքի սկզբունքներն ու նորմերը, արդարության և օբյեկտիվության չափանիշները, որոնցով պետք է առաջնորդվի յուրաքանչյուր խորհրդարան։
 
Բանաձևում փաստացի հերքվում է Ադրբեջանի Հանրապետության օրինական և ինքնիշխան իրավունքը՝ վերականգնելու իր տարածքային ամբողջականությունը։ Ադրբեջանի կողմից 2023 թվականի սեպտեմբերին իրականացված հակաահաբեկչական գործողությունն ուղղված էր միայն հայկական բանակի մնացորդների և Լեռնային Ղարաբաղի տարածքում գտնվող անօրինական զինված կազմավորումների դեմ և լիովին համապատասխանում էր միջազգային իրավունքին։
 
Այս գործողության ընթացքում ոչ մի քաղաքացիական անձ չի տուժել, և ոչ մի կրոնական կամ մշակութային հուշարձան չի վնասվել», - ասվում է հայտարարության մեջ։