Թեհրանում տեղի կունենա Թուրքիայի, Իրանի և Ադրբեջանի ԱԳՆ ղեկավարների հանդիպումը
Թուրքիա-Իրան-Ադրբեջան համագործակցության եռակողմ ձևաչափի շրջանակներում արտաքին գործերի նախարարների հերթական հանդիպումը տեղի կունենա Թեհրանում։
Ինչպես հաղորդում է Сaliber.Az-ը, այս մասին հայտարարել է Թուրքիայի արտգործնախարար Մևլութ Չավուշօղլուն։
Թուրքիայի արտաքին քաղաքական գերատեսչության ղեկավարը նշել է, որ կողմերը ցանկանում են հանդիպում անցկացնել այս տարի։ Սակայն, նալ հանդիպման կոնկրետ ժամկետը չի հաղորդել։
Ընդգծելով էկոլոգիայի ոլորտում Թուրքիայի և Իրանի համատեղ ջանքերի անհրաժեշտությունը՝ դիվանագետը նշել է, որ երկու երկրների փորձագետների միջև հանդիպում կանցկացվի։
Չավուշօղլուն հավելել է, որ Թուրքիան խորը և պատմական կապեր ունի Իրանի հետ, և իրենք մտադիր են ընդլայնել այդ կապերը բոլոր ոլորտներում և զարգացնել դրանք այնպես, որ շահավետ լինի երկու երկրների համար։