Հեռախոսազրույց է տեղի ունեցել Ադրբեջանի և Մոլդովայի նախագահների միջև

Մարտի 3-ին Մոլդովայի Հանրապետության նախագահ Մայա Սանդուն զանգահարել է Ադրբեջանի Հանրապետության նախագահ Իլհամ Ալիևին։

Այս մասին հայտնում է Сaliber.Az-ը՝ վկայակոչելով Ադրբեջանի նախագահի մամուլի ծառայությանը։

Հեռախոսազրույցի ընթացքում կողմերը մտքեր են փոխանակել տարածաշրջանային խնդիրների շուրջ, ինչպես նաև քննարկել Ադրբեջանի և Մոլդովայի միջև առևտրատնտեսական կապերի և էներգետիկ ոլորտում համագործակցության ընդլայնման հարցեր։