ՄՊԿ. Ղարաբաղում նոր մաքսակետեր ստեղծելու նախագծեր կան

Օկուպացիայից ազատագրված տարածքներում նոր միջանցքներում և սահմանային անցակետերում մաքսակետերի ստեղծման նախագծեր կան։

Ինչպես հաղորդում է Caliber.Az-ը, այս մասին Միլլի Մեջլիսի տնտեսական քաղաքականության, արդյունաբերության և ձեռներեցության կոմիտեի նիստում ասել է՝ Մաքսային պետական կոմիտեի նախագահի առաջին տեղակալ, նախագահի պաշտոնակատար Շահին Բագիրովը։

Նրա խոսքով, ներկայումս աշխատանքներ են տարվում Զանգիլանի շրջանում գտնվող «Աղբենդ» մաքսային անցակետում։ Ղարաբաղում արդեն գործում է երկու մաքսակետ՝ «Գազանչը» և «Էյվազլը»։

«Զգայուն պահերին այդ անցակետերը չէին աշխատում, սակայն ավելի ուշ Էյվազլիով անցավ երեք մեքենա: Բացի այդ, ավելի վաղ վարորդները հրաժարվեցին մաքսատուրքերի վճարումից»,- ասել է Բագիրովը։

Նրա խոսքով՝ ճանապարհային հարկից հիմնականում փորձել են խուսափել իրանցի վարորդները. «Նրանք ցանկացել են քվոտա տրամադրել, մենք էլ առաջարկեցինք մաքսատուրք վճարել»։

Շ.Բագիրովն ընդգծել է, որ մաքսային կոմիտեն իր գործունեությունն իրականացնելու է օկուպացիայից ազատագրված տարածքներում։