Նախագահի հատուկ ներկայացուցիչը Կիոտոյի քաղաքապետի հետ քննարկել է Շուշա քաղաքի վերածնունդը ԼՈՒՍԱՆԿԱՐ

Շուշայի շրջանում Ադրբեջանի նախագահի հատուկ ներկայացուցիչ Այդըն Քերիմովը Ճապոնիա այցի շրջանակներում օգոստոսի 8-ին այցելել է Կիոտո, որտեղ հանդիպել է քաղաքի քաղաքապետ, Պատմական քաղաքների լիգայի նախագահ Դաիսակու Կադոկավայի հետ։

Caliber.Az-ի փոխանցմամբ՝ հանդիպման ընթացքում մտքերի փոխանակություն է տեղի ունեցել Պատմական քաղաքների լիգայի անդամ, հարուստ պատմություն ու մշակույթ ունեցող Շուշայի ու Կիոտոյի միջև կապերի և համագործակցության հետագա ամրապնդման շուրջ։

Դաիսակու Կադոկավան նշել է, որ տեղյակ է Ղարաբաղում, մասնավորապես՝ Շուշայում իրականացվող վերականգնողական և շինարարական աշխատանքների մասին և բարձր է գնահատում հետկոնֆլիկտային շրջանում ձեռնարկված քայլերը, հարկադիր վերաբնակներին հայրենի հողեր վերադարձնելու ուղղությամբ կատարված աշխատանքները։

Այդըն Քերիմովը, իր հերթին Դայսակա Կադոկավային հրավիրել է Շուշա։