Շուշայում կանցկացվի շախմատի միջազգային մրցաշար

Սեպտեմբերի 21-24-ը Շուշայում կանցկացվի շախմատի միջազգային մրցաշար, որը կազմակերպելու են երիտասարդության և սպորտի նախարարությունը և Ադրբեջանի շախմատի ֆեդերացիան:

Ինչպես հայտնում է Caliber.Az-ը, այս մասին հայտարարել է Ադրբեջանի շախմատի ֆեդերացիայի նախագահ, Շախմատի միջազգային ֆեդերացիայի փոխնախագահ Մահիր Մամեդովը։

«Աշխատանքներ են սկսվել Ղարաբաղի վերջին խանի՝ Մեհդիգուլու խան Ջավանշիրի դստեր՝ ականավոր բանաստեղծուհի և բարերար Խուրշուդբանու Նաթավանի ծննդյան 190-ամյակին նվիրված միջազգային մրցաշարի կազմակերպման ուղղությամբ: Երիտասարդության և սպորտի նախարարության հետ մեկտեղ՝ կազմակերպչական աշխատանքներում ակտիվորեն ներգրավված է Շուշա քաղաքի պետական արգելոցի վարչությունը: Մրցաշարին կհրավիրվեն Ադրբեջանի հավաքականի բոլոր անդամները»,- ասել է Մամեդովը։