Ադրբեջանն ու Թուրքիան քննարկել են Միջին միջանցքի զարգացումը ԼՈՒՍԱՆԿԱՐ

Ադրբեջանն ու Թուրքիան բանակցություններ են անցկացրել Միջին միջանցքի զարգացման համատեղ միջոցառումների շուրջ։

Այս մասին հայտնում է Сaliber.Az-ը՝ հղում անելով «Ադրբեջանական երկաթուղիներ» ՓԲԸ-ին։

Ըստ տեղեկությունների՝ աշխատանքային այցով Թուրքիայում գտնվող ԱԵ-ի նախագահ Ռովշան Ռուստամովը մի շարք երկկողմ հանդիպումներ է անցկացրել։

Թուրքիայի պետական երկաթուղիների (TCDD) տնօրեն և խորհրդի նախագահ Հասան Փեզյուկի հետ հանդիպման ընթացքում բանակցություններ են անցկացվել՝ երկու երկրների միջև երկաթուղային ոլորտում առկա համագործակցության զարգացման, Կարս-Նախչըվան երկաթուղու նախագծի և Բաքու- Թբիլիսի-Կարս, երկաթգծի կատարելագործման աշխատանքների շուրջ։ Պայմանավորվածություն է ձեռք բերվել երկու երկրների երկաթուղային կառույցների միջև փորձի փոխանակման շուրջ։