Բաքուն և Բուխարեստը քննարկել են Deepfake-ի և ապատեղեկատվության դեմ պայքարը

Ադրբեջանը Ռումինիայի հետ քննարկել է «դիփֆեյքերի» և ապատեղեկատվության դեմ պայքարի մեխանիզմները։
 
Ինչպես հաղորդում է Caliber.Az-ը՝ հղում անելով Հատուկ կապի և տեղեկատվական անվտանգության ծառայությանը, քննարկումներին մասնակցել են՝ վարչության ղեկավար, գեներալ-լեյտենանտ Իլգար Մուսաևը և Ռումինիայի Ինֆորմատիկայի ոլորտում հետազոտությունների և  մշակումների ազգային ինստիտուտի ղեկավար Ադրիան Վիկտոր Վեվերան:
 
Կողմերը մտքեր են փոխանակել նաև՝ Կիբերդիվանագիտության միջազգային կենտրոնի գործունեության, ղեկավարների վերապատրաստման ծրագրերի մշակման, ՆԱՏՕ-ի ծրագրով հաստատված CyberPolygon նախագծի իրականացման, ինչպես նաև մի շարք համատեղ նախագծերի իրագործման շուրջ։