Լեյլա Ալիևան մասնակցել է Kənd Həyatı նախագծի նոր թողարկման նկարահանումներին ԼՈՒՍԱՆԿԱՐ

Հեյդար Ալիևի հիմնադրամի փոխնախագահ, IDEA հասարակական միավորման հիմնադիր և ղեկավար Լեյլա Ալիևան նոր տարվա առաջին օրերին այցելել է Գուսարի շրջան։

AZERTAC-ի փոխանցմամբ՝ ուղևորության ընթացքում Լեյլա Ալիևան հյուրընկալվել է Գուսարի շրջանի Հիլ գյուղում բնակվող Ռամիխանովների ընտանիքին և մասնակցել Kənd Həyatı (Գյուղական կյանք, Country Life Vlog) նախագծի նոր թողարկման նկարահանումներին։

Նկարահանումների ընթացքում Լեյլա Ալիևան, ընտանիքի անդամների հետ միասին, մասնակցել է այս տարածաշրջանին բնորոշ հայտնի ազգային ուտեստի՝ ցկանի պատրաստմանը։ Նա մանրամասն ծանոթացել է երկրի հյուսիսային մարզին բնորոշ գյուղական ապրելակերպին և խոհարարական ավանդույթներին։

Լեյլա Ալիևան շնորհակալություն է հայտնել Ռամիխանովների ընտանիքին Ադրբեջանի հարուստ խոհարարական մշակույթի ժողովրդականացման, մեր երկրի առաջխաղացման և աշխարհի տարբեր երկրներում Ադրբեջանի նկատմամբ սեր առաացնելու համար և մաղթել նրանց հաջողություններ իրենց նշանակալի նախագծում։

Նշենք, որ Kənd Həyatı YouTube ալիքն ունի ավելի քան 8 միլիոն բաժանորդ և գրեթե 3 միլիարդ դիտում: Ռամիխանովների ընտանիքի տեսանյութերը, որոնք լայն ճանաչում են ձեռք բերել ազգային խոհանոցը և գյուղական կյանքը արտացոլող հրապարակումների շնորհիվ, լայն լսարան ունեն ոչ միայն Ադրբեջանում, այլև ամբողջ աշխարհում: