Ալիևն ու Օվերչուկը քննարկել են ադրբեջանա-ռուսական համագործակցության ապագան

Հունվարի 23-ին Ադրբեջանի Հանրապետության նախագահ Իլհամ Ալիևն ընդունել է Ռուսաստանի Դաշնության կառավարության նախագահի տեղակալ, միջկառավարական հանձնաժողովի համանախագահ Ալեքսեյ Օվերչուկին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Հանդիպմանը նշվել է, որ 2023 թվականը հաջող է եղել երկու երկրների միջև տնտեսական համագործակցության հետ կապված արդյունքների առումով։

Զրույցի ընթացքում ընդգծվել է, որ տնտեսական համագործակցությունն ունի ընդարձակ օրակարգ և նախանշվել են այս ոլորտում նոր ուղղությունները։ 17,5 տոկոս առևտրաշրջանառությունը, ինչպես նաև բեռնափոխադրումների և տարանցիկ փոխադրումների կայուն աճը գնահատվել է որպես երկկողմ համագործակցության լավ ցուցիչ։

Ընդգծվել է ադրբեջանա-ռուսական համագործակցության զարգացման հիմնական ուղղությունները ներառող 2024-2026 թվականների ճանապարհային քարտեզի ստորագրման կարևորությունը։ Վստահություն է հայտնվել, որ Ալեքսեյ Օվերչուկի այցը կծառայի երկկողմ կապերի ընդլայնմանը։