ԹՊԿ-ի նոր դրոշը՝ թուրքական միասնության և բարգավաճման խորհրդանիշն է

Թուրքական պետությունների ղեկավարների խորհրդի նիստի շրջանակներում՝ Թուրքական պետությունների կազմակերպության  (ԹՊԿ) դրոշը հաստատելու մասին որոշում է կայացվել:
 
Ինչպես հայտնում է Caliber.Az-ը, որոշման տեքստում ասվում է. «Ճանաչելով թուրքական ժողովուրդներին միավորող ընդհանուր պատմական և մշակութային արժեքները, և հաստատելով հավատարմությունը՝ բազմակողմ համագործակցության, փոխադարձ առաջընթացի, միասնության և համերաշխության ամրապնդմանը, հիմնվելով 2012 թվականի օգոստոսի 22-ին Բիշքեկում կայացած Թուրքալեզու պետությունների խորհուրդի Արտաքին գործերի նախարարների խորհրդի համաձայնեցված արձանագրության վրա՝ Թուրքական պետությունների ղեկավարների խորհուրդը որոշել է.
 
1. Հաստատել Թուրքական պետությունների կազմակերպության դրոշը՝ դրա ստորև տրված նկարագրությամբ։
 
2. Սույն որոշման 1-ին կետի համաձայն, սկսել՝ թուրքական համագործակցության այլ կազմակերպությունների դրոշների գունային սխեմաների հարմոնիզացիան՝ Թուրքական պետությունների կազմակերպության դրոշի հետ համապատասխան և հաստատել այդ կազմակերպությունների նորացված դրոշները։
 
Դրոշը հաստատվել է Ադրբեջանի, Ղազախստանի, Ղրղզստանի, Թուրքիայի և Ուզբեկստանի ղեկավարներ. Իլհամ Ալիևի, Գասըմ-Ժոմարտ Տոկաևի, Սադըր Ժապարովի, Ռեջեփ Թայիբ Էրդողանի և Շավքաթ Միրզիյոևի կողմից։
 
Դրոշի վրա պատկերված է ութանկյուն, կիսալուսին և աստղ, ինչպես նաև արև՝ հավասարաչափ շեղվող ուղիղ ճառագայթներով, որոնք տեղակայված են փիրուզագույն-կապույտ դաշտի կենտրոնում:
 
Կապույտ ֆոնը խորհրդանշում է մաքուր երկինք, խաղաղություն և բարգավաճում: Այս մենագույն ֆոնը նշանակում է թուրքական ժողովուրդների միասնություն։ Պատմականորեն կապույտ գույնը կապված է թուրքական մշակույթի և ավանդույթների հետ, ինչն էլ ավելի է մեծացնում նրա մշակութային նշանակությունը:
 
Ութանկյունը ներկայացնում է թուրքական դարավոր պետականությունը, խորհրդանշելով հանրապետության ստեղծումը, կայունությունը, փոխկապակցվածությունն ու հզորությունը, որոնք բխում են ընդհանուր թուրքական մշակութային ժառանգությունից: Թուրքական և իսլամական ավանդույթներում ութանկյունը հանդիսանում է իմաստության խորհրդանիշ, որը ծառայում է որպես փարոս կազմակերպության առաջընթացի ճանապարհին:
 
Արևը, իր քառասուն հավասարապես տարածվող ուղիղ ճառագայթներով խորհրդանշում է լույսը, բացությունը և կենսունակությունը: Ճառագայթները իրենցից ներկայացնում են ընդհանուր արժեքներ և տեսլական, որոնք լուսավորում են թուրքական աշխարհի ուղին՝ առաջնորդելով նրան դեպի ավելի պայծառ ու բարգավաճ ապագա:
 
Կիսալուսնն ու աստղը` ամբողջ թուրքական աշխարհում հայտնի խորհրդանիշները՝ նշանակում են պետականություն, աճ, ձգտումներ դեպի ապագա և առաջընթաց: Այս տարրերն արտացոլում են՝ թուրքական պետությունների հարուստ պատմության վրա հիմնված կազմակերպության դինամիկ և ապագային ձգտող ոգին:
 
Այս դրոշը մարմնավորում է՝ թուրքական ինքնության, միասնության, ընդհանուր ժառանգության և համապարփակ համագործակցության հիմնական խորհրդանիշները, որոնք հանդիսանում են առանցքային Թուրքական պետությունների կազմակերպության առաքելության համար»: