Կովկասի սառցադաշտերը նահանջում են. ի՞նչ է խորհուրդ տալիս UNEP-ը տարածաշրջանին COP29-ից առաջ: Հաջիևի արձագանքը

Ադրբեջանի նախագահի օգնական Հիքմեթ Հաջիևը շնորհակալություն է հայտնել ՄԱԿ-ի շրջակա միջավայրի ծրագրին (UNEP):
 
Այս մասին հայտնում է Caliber.Az-ը՝ հղում անելով Հաջիևի X-ում էջին:
 
«Շնորհակալություն UNEP-ին՝ COP29-ին՝ ընդառաջ Կովկասի տարածաշրջանի վրա կլիմայի փոփոխության ազդեցության վերաբերյալ օգտակար զեկույցի համար:
 
Ջերմաստիճանի բարձրացումը հանգեցրել է նրան, որ վերջին հարյուրամյակի ընթացքում Կովկասում սառցադաշտերը նահանջել են միջինը 600 մետրով, ինչիը բերել է ավելի քան 11 միլիարդ տոննա քաղցրահամ ջրի կորստի:
 
Ջերմային և բնական աղետներն ավելի հաճախակի են դառնում, բայց բնապահպանական առաջընթացի համար ներուժ կա»,- գրել է Հ.Հաջիևը:
 
Նշենք, որ առաջիկա COP29 համաժողովից առաջ ներկայացված ՄԱԿ-ի շրջակա միջավայրի ծրագրի (UNEP) զեկույցը ընդգծում է՝ կլիմայի փոփոխության զգալի ազդեցությունը Կովկասի երկրների վրա։ Զեկույցում նշվում է, որ տարածաշրջանի սառցադաշտերը վերջին հարյուրամյակի ընթացքում նահանջել են միջինը 600 մետրով, ինչը հանգեցրել է 2000 թվականից ի վեր ավելի քան 11 միլիարդ տոննա քաղցրահամ ջրի կորստի: Սառցադաշտերի այս փոքրացումը ազդում է գետերի հոսքերի վրա. կանխատեսվում է, որ մինչև 2100 թվականը գետերի ջրի ծավալը կարող է նվազել 20%-ով:
 
Բացի այդ, զեկույցը նախազգուշացնում է մինչև դարավերջ տարածաշրջանային ջերմաստիճանի 3,6°C բարձրացման մասին, ինչը հատկապես կազդի լեռնային շրջանների վրա: Սա կարող է հանգեցնել հեղեղումների վտանգի մեծացման՝ կապված սառցադաշտերի հալման հետ, և, որպես հետևանք, պահանջում է մշտական ​​մոնիտորինգ: Այսպես, 2023 թվականին հորդառատ անձրևները և սառցադաշտերի հալոցքը սողանք են առաջացրել վրացական Շովի գյուղում, ինչը հանգեցրել է լուրջ ավերածությունների և մարդկային զոհերի։
 
Զեկույցի հեղինակները կոչ են անում՝ կլիմայի փոփոխությանը հարմարվողականության միջոցները ներառել Կովկասի երկրների օրենսդրության և քաղաքականության մեջ՝ ուշադրություն հատկացնելով քաղաքներում ջրի կայուն կառավարման և բարելավված պլանավորման վրա: Նշվել է, որ կարևոր է նաև՝ պահպանվող բնական տարածքների զբաղեցրած տարածքների ընդլայնումը և հողի էրոզիայի դեմ պայքարում տեղական ավանդույթների և գիտելիքների կիրառմանն աջակցելը:
 
Առաջարկությունները ներառում են նաև վերականգնվող էներգիայի աղբյուրների ընդլայնում: