ԹՊԿ քարտուղար. Զանգեզուրի միջանցքը կենսական նշանակություն ունի ամբողջ աշխարհի համար

Զանգեզուրի միջանցքը կենսական նշանակություն ունի ոչ միայն թյուրքական պետությունների, այլև ամբողջ տարածաշրջանի և նույնիսկ աշխարհի համար։

Այս մասին հայտարարել է Թյուրքական պետությունների կազմակերպության (ԹՊԿ) քարտուղար Կուբանիչբեկ Օմուրալիևը՝ Բաքվում կազմակերպության աշխատանքի և սոցիալական պաշտպանության նախարարների առաջին հանդիպման շրջանակներում, տեղեկացնում է Сaliber.Az-ը։

Նրա խոսքով՝ Զանգեզուրի միջանցքը հին Մետաքսի ճանապարհի առանցքային ուղղություններից մեկն է և թյուրքական պետություններին ուղիղ մուտք է ապահովում դեպի Արևմուտք։

«Այս տեսանկյունից Զանգեզուրի միջանցքը կարևոր է ոչ միայն Ադրբեջանի և թյուրքական աշխարհի, այլև ամբողջ տարածաշրջանի, այդ թվում՝ Արևմուտքի, Եվրոպայի և նույնիսկ Հայաստանի համար։ Այս համատեքստում ես բարձր եմ գնահատում այս տարվա օգոստոսին Վաշինգտոնում Ադրբեջանի և Հայաստանի ղեկավարների կողմից ձեռք բերված պայմանավորվածությունը։ Ես սա համարում եմ պատմական քայլ», - նշել է Օմուրալիևը։

ԹՊԿ գլխավոր քարտուղարը նաև ընդգծել է կազմակերպության աշխատանքի, զբաղվածության և սոցիալական պաշտպանության նախարարների Բաքվում կայացած առաջին հանդիպման կարևորությունը։ Նրա խոսքով՝ թյուրքալեզու պետությունների միջև այս ոլորտում համագործակցությունը շարունակում է ամրապնդվել և շոշափելի արդյունքներ տալ։