Իսաբեկով. Այսօր Բաքվում կներկայացվի թուրքական պետությունների ընդհանուր քարտեզը

Բաքվում  անցկացվում է Թուրքական պետությունների կազմակերպության (ԹՊԿ) քարտեզագրական հաստատությունների ղեկավարների երկրորդ խորհրդակցությունը։
 
Report-ի  փոխանցմամբ, միջոցառմանը մասնակցում են՝ էկոլոգիայի և բնական պաշարների նախարարի առաջին տեղակալ Ռաշադ Իսմայիլովը, ԹՊԿ գլխավոր քարտուղարի տեղակալ Մերեյ Մուկաժանը, Ադրբեջանի և Հայաստանի միջև պետական ​​սահմանի սահմանազատման պետական ​​հանձնաժողովի քարտուղարության ղեկավար Մուրադ Նաջաֆբեյլին, Պաշտպանության նախարարության գլխավոր օպերատիվ վարչության պետ, գեներալ-լեյտենանտ Ազեր Ալիևը և Ադրբեջանի քաղաքաշինության ու ճարտարապետության պետական ​​կոմիտեի  ապրատի ղեկավարի տեղակալ Գյուլշան Ռզաևան։
 
Հանդիպման արդյունքներով հռչակագիր կընդունվի։
 
«Պատրաստվել է թուրքական պետությունների ընդհանուր քարտեզ», - հայտարարել է Ղրղզստանի նախարարների կաբինետին առընթեր հողային ռեսուրսների, կադաստրի, գեոդեզիայի և քարտեզագրության պետական ​​գործակալության պետական ​​քարտեզագրական և գեոդեզիական ծառայության փոխտնօրեն Նարինբեկ Իսաբեկովը՝ նշելով, որ քարտեզը կներկայացվի այսօր։