Բայրամովը Ավստրիայում հանդիպել է Ֆիդանի հետ

Ադրբեջանի արտաքին գործերի նախարար Ջեյհուն Բայրամովը հանդիպել է իր թուրք գործընկեր Հաքան Ֆիդանի հետ՝ Ավստրիա կատարած այցի ընթացքում։
 
Այս մասին հաղորդում է Report-ը՝ հղում անելով Haber Global-ին։
 
Հանդիպմանը քննարկվել են՝ երկկողմ հարաբերությունները, տարածաշրջանային զարգացումները և երկու երկրների միջև համագործակցության զարգացումը։
 
Հիշեցնենք, որ Ջեյհուն Բայրամովը աշխատանքային այցով գտնվում է Վիեննայում՝ մասնակցելու դեկտեմբերի 4-5-ը կայանալիք Եվրոպայի անվտանգության և համագործակցության կազմակերպության (ԵԱՀԿ) արտաքին գործերի նախարարների խորհրդի 32-րդ նիստին։