Բաքվի և Անկարայի միջև բարձր մակարդակի երկխոսություն. օրակարգում է ռազմատեխնիկական համագործակցության զարգացումը

Բաքվում մեկնարկել է Ադրբեջանի պաշտպանության նախարարության և Թուրքիայի Զինված ուժերի գլխավոր շտաբի միջև 16-րդ բարձր մակարդակի ռազմական երկխոսությունը։

Պաշտպանության նախարարությունից Caliber.Az-ին հայտնել են, որ նախ հանդիպում է տեղի ունեցել երկու երկրների պատվիրակությունների միջև՝ գեներալ-լեյտենանտներ Ազեր Ալիևի և Ալի Օսման Յուրդագյուլի գլխավորությամբ։

Ազեր Ալիևը հայտարարել է, որ եղբայրության և բարեկամության սկզբունքների վրա կառուցված ադրբեջանա-թուրքական ռազմական կապերը շարունակում են զարգանալ։

Ալի Օսման Յուրդագյուլը շնորհակալություն է հայտնել ջերմ ընդունելության համար և ընդգծել, որ նման փոխադարձ հանդիպումները մեծապես նպաստում են Ադրբեջանի և Թուրքիայի բանակների միջև փորձի փոխանակմանը։

Բանակցությունների ընթացքում քննարկվել են ռազմական և ռազմատեխնիկական համագործակցության զարգացման ջանքերը, հեռանկարները և ռազմական կապերի ընդլայնման ուղղությունները։

Հանդիպումից հետո տեղի է ունեցել բարձր մակարդակի ռազմական երկխոսության բացման արարողությունը, անցկացվել են ենթախմբերի նիստեր։